Fabricando xabón

Neste proxecto levamos a cabo a fabricación de xabón empregando aceite e sosa cáustica (unha substancia corrosiva que se emprega como desatascador entre outras cousas). Trátase dunha técnica tradicional, que empregan nos pobos dende sempre coa graxa que se obtén dos produtos animais.

O proceso polo que ten lugar a produción de xabón chámase saponificación, ao reaccionar un lípido (como a graxa do aceite) cunha base fórmase glicerina e varias moléculas de xabón. Para que a reacción vaia máis rápido é recomendable que teña lugar a unha temperatura elevada, por iso mesturámolo nun baño María.

Cremas e ungüentos

Neste proxecto fabricamos cremas cunha planta que se chama Aloe Vera. É unha das plantas que tamén plantamos no noso horto, ten unhas follas carnosas, con moito líquido; e que non necesita de ser regada moito, pero si necesita moita luz.

O Aloe Vera ten moitas propiedades beneficiosas para a pel, é moi bo hidratante, contén vitaminas e minerais, favorece a que non apareza acné e é moi bo para as queimaduras (por exemplo, para cando nos queimamos co sol).

CinVigo

TARDE DE CIENCIAS

As alumnas Alba, Irene e Ana de 3º da ESO participamos a finais do mes de abril na feira científica CinVigo organizado por CINBIO.

O noso proxecto consistía en analizar o efecto invernadoiro de diversos gases da atmosfera. Para iso xeramos atmosferas en distintos matraces e lles aplicamos a todas un calor uniforme, analizando ao paso do tempo como evolucionaba a temperatura. Coa nosa comparativa concluímos que en atmosferas cargadas con gases como o dióxido de carbono, o metano ou o vapor de auga, pódese apreciar un aumento da temperatura moito maior que se non están presentes; confirmando así o seu efecto invernadoiro.

No noso posto parouse moita xente, nenos e maiores. Puideron experimentar connosco e foi unha experiencia moi divertida. Viva o CinVigo!!!!!

O horto de Beade

O NOSO HORTO

Os rapaces e rapazas do club de ciencias de 1º da ESO estivemos a traballar ao longo do ano no horto que temos detrás da pista de fútbol.

En primeiro lugar tivemos que arrancar todas as malas herbas que naceran no horto, levounos bastante tempo e traballo 😫

O seguinte paso foi sachar e rastrillar o terreo, e coa terra ben preparada, pasamos a plantar un pouco de todo: tomates, acelgas, allos, cebolas, pementos, leitugas, calabacín... Puxemos o rego, que xa estaba instalado, e fumos modificando as frecuencias de rego en función do tempo.

Ao lado do horto, instalamos un composteiro para fabricar abono a partir de restos orgánicos.

Fixemos como anexo ao composteiro un pequeno panel no que se informa do que se pode e non se pode compostar.

Tamén elaboramos un calendario de semente, trátase dun calendario no que nos indica diversos aspectos da semente das especies do horto.

Neste calendarios podemos ver momentos de sementar e recolectar diversos vexetais, canto tempo tardan en xerminar, condicións para o trasplante, distancia entre vexetais e condicións para o rego.

Construimos ademais un horto “interior” pero que está posto fora, colgado na parede do pabellón. Fixémolo cun palé no que clavamos unhas táboas a modo de fondo. Elaboramos tamén maceteiros con botellas recicladas, no fondo puxemos pedras para mellorar a drenaxe e fixemos buratos na base. Nese horto plantamos herbas aromáticas como ourego, manzanilla, cilantro… 

Biomateriais

Fabricamos plástico a partir de Kombucha

Neste proxecto fabricamos materiais empregando organismos vivos, unha práctica habitual no campo da biotecnoloxía. Concretamente empregamos o SCOBY da Kombucha para fabricar láminas de plástico.

O SCOBY é unha colonia de organismos que contén bacterias e lévedos. Os lévedos son fungos microscópicos unicelulares que se empregan para facer pan, cerveza, viño… son moi empregados porque teñen a capacidade de levar a cabo un proceso que se chama fermentación. A fermentación consiste en empregar unha fonte de alimento, como pode ser un azucre, e degradar esa fonte a moléculas máis sinxelas, como pode ser alcol.

Para fabricar Kombucha, os organismos fermentadores do SCOBY empregan o té verde como fonte de alimento para a fermentación e producen unha bebida alcólica, pero como o proceso da fermentación é tan eficiente o alcol consúmese na súa totalidade.

No caso deste plástico, como resultado da fabricación de Kombucha tamén se fabrica celulosa, que se deixamos reposar durante unhas semanas acaba producindo unha película fina que é o noso plástico.

Moitas gracias a Patricia, alumna en prácticas do Máster de Educación na UVigo por traernos e axudarnos a realizar este proxecto tan innovador e divertido!!!

Cinvigo - Cinbio

 

                                                        

    

                      Catro alumnos de 2ºESO do instituto IES de Beade participou na segunda edición do 

                      Cinvigo. Nel presentaron un par de proxectos que realizáronse no colexio polo resto 

                      do alumnado do Club de Ciencias do colexio.

                                                                                                                                                             

                     1. Cámaras de Fototrampeo.

                         No primeiro proxecto que presentamos, explicamos qué é, as partes dunha cámara de 

                         fototrampeo que trouxemos do instituto, logo ensinamos brevemente os videos da cá-

                         mara de fototrampeo.

                                                                                                                     

                                                         

                     2. Pegadas dos animais.

                         Despois de presentar as cámaras de fototrampeo, proseguimos a presentar sobre as    

                         pegadas dos animais que poidemos coller no monte. Primeiro, ensinamos o proce-    

                        demento para recoller una forma da pegada en escaiola. Logo, ensinamos os que pui-

                        demos recoller, como por exemplo, una pegada dun xabaril, dun can, dun gato e mais 

                        dun teixugo. Mais adiante, ensinámoslles a nosa guía de pegadas e regalámoslles uns

                        folletos cunha pequena guía de pegadas e os pasos para sacar unha escaiola dunha pe-

                        gada.

                                                                                       

                                                      

                                                                                                            

                     3. Hotel de insectos.

                         E por último, o proxecto co que pechamos a nosa presentación, presentamos o noso ho-

                         tel de insectos, que aínda esta baleiro. Ensinamos os materiais utilizados, como piñas, 

                         paus, ladrillos, etc. Tamén explicámoslles que insectos poderían entrar no hotel de in-

                         sectos e onde se podería colocar.

                                                                                                         

                                                                         

                     4. Código QR.

                          E ao rematar, ensinámoslle o Código Qr onde nos podería votar.

                                                                                                  

Videos coa camara de fototrampeo

Algúns tipos de paxáros, que puidemos ver coa nosa cámara de fototrampeo

 

Unha familia se xabarins durante a noite

Un xabarin,un raposo e un corzo que tivemos a sorte de captar