Premio SGAPEIO 2016

Parabéns ás catro alumnas do club de ciencias (Antía, Emilia, Gabriela e Noa) que gañaron a VI edición do concurso INCUBADORA DE SONDAXES E EXPERIMIENTOS organizado pola Sociedade Galega de Estatística, na categoría de 1º-2º de ESO.


Aquí tendes unha ligazón ao traballo presentado, de título Te alimentas ben :) ? 
e que analizaron os hábitos de alimentación e saúde dos alumnos do noso instituto.

 De premio recibion unha tableta cada unha.











 E ademais, viaxaron a Badajoz a participar na fase nacional

 

EXPOSICIÓN DE CARTEIS

Xa rematados,  colocamos a exposición no corredor da área de ciencias .

E aqui tedes o resultado final.

ESTUDIO DUN SOLO

O solo fórmase a partir das rochas, a medida que estas se van erosionando pola chuvia, as raices das árbores  que as van rompendo, e tamén os animais que viven dentro del como as miñocas, as toupeiras, que axudan a mantelo.Teñen que pasar miles de anos para formar o solo fértil donde poder cultivar .

Un solo ben formado ten varias capas , na superficie están os restos de follas e outros seres vivos, por debaixo a capa de materia orgánica, despois materia mineral e xa por último a rocha da que se orixinou.

A primeira é moi importante para a vida  ,  necesita   manter a vexetación para non perderse  . 

Fixemos unha análise de dúas mostras, unha  que collemos nas saídas  e outra dun xardín .

Separamos con cribas as partículas para ver os diferentes tamaños .

Despois  volvemos a mesturar todo engadindo auga e o pasamos a dúas probetas , nas que podemos ver como se colocan as diferentes capas . 

O noso monte e os incendios forestais

Ó longo do curso fomos diseñando carteis das actividades que facíamos  e da información recolllida, aquí están  , esperamos que vos gusten.

                 

Herbario

Aproveitando o bo tempo , saímos a recoller plantas con flor para despois clasificalas  e facer un herbario. Collimos moitas, das que non sabíamos os nomes, pero sí que coñecíamos algunhas de xogar con elas a explotalas ,as de cor violeta da foto, e tamén coñecíamos os toxos claro.

No laboratorio fixemos primeiro a identificación usando guías.

E despois as prensamos

Cada dous días cmbiabamos os papeis . O resultado foi o seguinte:

O monte vivo na exposición de proxectos

 

A finais de maio participamos na exposición de proxectos do centro,eliximos tres dos traballos que xa tíñamos feitos . Durante día e medio estivemos explicando o noso traballo ós grupos de alumnos que a visitaban por quendas, e ós profesores e pais que tamén se achegaron . 

Fixemos un concurso con   preguntas acerca dos contidos que tiñan que contestar, sobre os bugallos, os aneis de crecemento e a información que poden darnos,e outras,  o premio eran chuches. Foi moi divertido.

Como se ve nas fotos colocamos algúns dos carballos da nosa plantación, que ademais ó pouco de botar a folla, apareceu nelas un fungo. Buscamos información, era o oidium, por iso puxemos un par de lupas, para que a xente os puidera ver mellor.